Центарот за развој на Источен плански регион продолжува со спроведување на процесот за изработка на првата Заедничка стратегија за зелена инфраструктура (2025 – 2035) за Источен плански регион и Општина Гоце Делчев.
На 12 септември 2025 година (петок), со почеток во 10:30 во Хотел ИЗГРЕВ Штип, ќе се одржи Четврта работилница за изработка на првата Заедничка стратегија за зелена инфраструктура (2025 – 2035) на тема: Алатки, техники и добри практики за активно учество на јавноста и мониторинг. Целта на работилницата е да се презентираат алатки и техники за активно вклучување на јавноста во процесите на изработка и имплементација на Заедничката стратегијата за зелена инфраструктура, идентификација и мапирање на засегнати страни, дефинирање на индикатори и методологија за следење на имплементација на стратегијата и воспоставување на механизми за известување и оценка на резултатите.
Центарот за развој на Источен плански регион, ги поканува сите заинтересирани учесници, претставници од општини, јавни, образовни и невладини организации во рамки на Источниот плански регион, да земат учество во работилницата.
Вашето присуство задолжително пријавете го на: [email protected].
Изработката на првата Стратегија за зелена инфраструктура е финансирана во рамки на проектот: “ТРАНСФОРМИРАЊЕ НА УРБАНИТЕ ДЕЛОВИ СО ЗЕЛЕНА ИНФРАСТРУКТУРА” ECOSCAPE BGMK0300060, финансиски подржан од Програмата за прекугранична соработка Интеррег-ИПА Бугарија-Северна Македонија INTERREG VI-A IPA 2021-2027.
Галерија
